థామస్ ఆల్వా ఎడిసన్ | Telugu Christian Illustrations

 థామస్ ఆల్వా ఎడిసన్

పేద తల్లి గర్భాన పుట్టిన థామస్ ఆల్వా ఎడిసన్ గురించి చదివిన చాలా, చాలా విశేషాల్లో ఇది ఒకటి.

ఒక రోజు, థామస్ ఎడిసన్ తన క్లాస్ టీచర్ నుండి ఒక ఉత్తరాన్ని తీసుకుని క్లాసు మధ్యలోనే ఇంటికి వచ్చాడు. తన క్లాస్ టీచర్ తన తల్లికి ఇమ్మన్న ఉత్తరాన్ని ఆమెకిచ్చాడు. దీనిని నా టీచర్ నీకు మాత్రమే ఇమ్మన్నాడు, ఇంకెవరికీ ఇవ్వ వద్దని మరీ మరీ చెప్పాడు అని కూడా చెప్పాడు.

ఆమె  ఆ ఉత్తరాన్ని లోలోపల చదువుకుంది. ఆమె కళ్ళు చెమ్మగిల్లాయి.

ఆమె కన్నీటిపర్యంతమయ్యింది. ఆత్రుత పడిన ఎడిసన్ అమ్మా అందులో ఏం రాసుందీ అని ఉత్సుకతగా అడిగాడు. నా గురించి ఏమైనా ఆరోపణగా అందులో రాయబడి ఉందా..! అని కూడా అడిగాడు. అయితే, ఆ పేద తల్లి ఏమీ లేదు నాయనా....! గట్టిగా చదువుతాను నువ్వూ విను....! అని ఇలా ఆ లేఖను పైకి గట్టిగా చదివింది.

"అమ్మా మీ బిడ్డ మేధావి. ఈ పాఠశాల అతనికి చాలా చిన్నది మరియు అతనికి శిక్షణ ఇవ్వడానికి తగినంత మంచి ఉపాధ్యాయులు ఇక్కడ లేరు. దయచేసి అతనికి మీరే చదువు నేర్పండి."

ఇది విని ఎడిసన్ ముఖం బల్బులా వెలిగిపోయింది. ఆనంద పడ్డాడు. ఆ తరవాత  చాలాకాలం గడిసింది. ఎడిసన్ తల్లి మరణించింది. కాలం గడిచింది ఎడిసన్ ఈ శతాబ్దపు గొప్ప శాస్త్రీయ ఆవిష్కర్తలలో ఒకడు అయ్యాడు.

అప్పుడు ఒక రోజు, అతను పాత ఇంటి సామానులన్నింటినీ సర్దిస్తూ....! అతని తల్లికి సంబందించిన బల్ల డెస్క్‌లోని డ్రాయర్ మూలలో చిన్నప్పుడు తన గురువు ఇచ్చిన మడత కాగితాన్ని కనుగొన్నాడు. అతను దానిని గుర్తు చేసుకుని తెరిసి మళ్లీ చదవాలనుకున్నాడు....! తెరిసి చదివాడు. అందులో ఇలా వ్రాయబడి ఉంది.

"అమ్మా మీ కొడుకు మానసిక అనారోగ్యంతో చాలా బలహీనంగా ఉన్నాడు. ఇతని మెదడు దేనినైనా చాలా నెమ్మదిగానే అర్ధం చేసుకోగలడు. మీరు బడికి పంపించి మిగతా పిల్లలతో సరి సమానంగా నేర్పించాలనుకోవడం సమయం వృధా తప్పా వేరొకటీ కాదు. ఇలాంటి అనారోగ్యపు పిల్లలు జీవితంలో ఎప్పటికీ ఏ విజయాన్నీ సాధించలేరు. అందు చేత మేము అతన్ని ఇకపై మా పాఠశాలకు అనుమతించలేము."

ఆ ఉత్తరాన్ని చదివిన ఎడిసన్ కొన్ని గంటలు రొమ్ములు గుద్దుకుంటూ అరిచాడు, ఏడ్చాడు...! రోధనతో విల విల్లాడాడు. ఉపశమనం తరవాత తేరుకుని ఈ విషయాన్ని తన డైరీలో ఇలా వ్రాసుకున్నాడు "థామస్ అల్వా ఎడిసన్ మానసిక అనారోగ్యంతో ఉన్న ఓ పిల్లవాడు, గొప్ప  హీరోలాంటి తల్లి చేత, శతాబ్దపు మేధావి అయ్యాడు"

ఎడిసన్ నమ్మాడు తల్లిని, తల్లి మాటలను ఎంతగానో నమ్మాడు, అందుకే అంత తీవ్రమైన ఉత్తరం కూడా అతన్ని విజయుడిని చేసింది...


Comments

Post a Comment

Popular posts from this blog

యాచకుడు | Telugu Christian Illustrations

  యాచకుడు ఆయన వారితో "మీరు ఏవిధమైన లోభమునకు చోటియ్యక జాగ్రత్తపడుడి . ఒకని కలిమి విస్తరించుట వాని జీవమునకు మూలము కాదు" అనెను (లూకా 12:15). పాస్టర్ ఇమ్మానుయేలు గారి దగ్గరకు పారిశ్రామికవేత్త అయిన ప్రసాదు వచ్చాడు. “ పాస్టరు గారూ! నా వ్యాపారాలు బాగుగా అభివృద్ధి చెందాలని ప్రార్ధన చేయండి” అంటూ 10 వేల రూపాయలు పాస్టరు గారికి అందించాడు. పాస్టరు గారు ఆ డబ్బు తీసుకొని "మీ వద్ద ఇంకా ధనం ఉన్నదా ?” అని అడిగారు. “ ఉన్నదండీ” అన్నాడు ప్రసాదు. " మీకు ఇంకా ధనం కావాలని ఆశ ఉన్నదా ?” “ అవునండీ” అన్నాడు ప్రసాదు. అప్పుడు ఇమ్మానుయేలు గారు “అయితే ఈ 10 వేలు మీ దగ్గరే ఉంచండి. మీరు నాకంటే ఎక్కువ అవసరం కలిగి యున్నారు. నా వద్ద డబ్బు ఏమీ లేదు. అయినా కావాలనే కోరికా లేదు. నీ వద్ద చాలా డబ్బు ఉంది. అయినా ఇంకా చాలా కావాలని ఆశ ఉంది. అందువల్ల ఇది నీ వద్ద ఉంటేనే మంచిది" అంటూ ప్రసాదు ఇచ్చిన 10 వేలు తిరిగి ఇచ్చేసారు. డా॥ పి.బి.మనోహర్
Read more

జారవిడచుకొనుట | Telugu Christian Illustrations

జారవిడచుకొనుట ఇంత గొప్ప రక్షణను మనము నిర్లక్ష్యము చేసిన యెడల ఏలాగు తప్పించుకొందుము ? ( హెబ్రీ . 2:3). అమెరికాలోని పెన్సిల్వానియా రాష్ట్రమునకు పొల్లాక్ ( Pollock)  గవర్నర్గా ఉన్నప్పుడు   ఎడ్వర్డ్ అను ఒక వ్యక్తి హత్యా నేరముపై ఖైదు చేయబడ్డాడు. కోర్టులో అతని నేరము   నిరూపణ అయినందువలన అతనికి ఉరి శిక్ష విధించారు. పొల్లాక్ గారు మంచి క్రైస్తవుడు.   ఎడ్వర్డ్ను క్షమాభిక్ష ప్రసాదించమని అనేకులు పొల్లాక్ గారిని కోరారు. పొల్లాక్ గారు   చట్ట ప్రకారము కోర్టు ఇచ్చిన తీర్పును తాను గౌరవిస్తున్నానని ఈ కోర్టు ఇచ్చిన తీర్పు   విషయములో తాను జోక్యము చేసుకొనననీ సున్నితంగా తిరస్కరించారు. ఎడ్వర్డ్కు ఉరి శిక్ష పడినందువల్ల క్రైస్తవుడు అయిన పొల్లాక్ గారు అతనికి సువార్తను   ప్రకటించాలని ఆశించారు. అందువల్ల తానే స్వయంగా జైలుకు వెళ్లి ఎడ్వర్డ్ ప్రక్కనే   కూర్చుండి సువార్తను చెప్పారు. ఈ లోక న్యాయమూర్తులు మరణశిక్ష విధించిననూ   పరలోక న్యాయమూర్తిని శరణు జొచ్చినచో నిత్య రక్షణను అనుగ్రహించునని ఎంతో   ఓపికగా ,  సౌమ్యంగా అతనికి నచ్చజెప్పారు. ఎడ్వర్డ్ కన్నీరు విడుస్తూ తన పాప...
Read more

ఆత్మల పట్ల భారము | Telugu Christian Illustrations

ఆత్మల పట్ల భారము నేను సువార్తను ప్రకటించుచున్నను నాకు అతిశయ కారణము లేదు సువార్తను ప్రకటింపవలసిన భారము నా మీద మోపబడియున్నది. అయ్యో నేను సువార్తను ప్రకటింపక "పోయిన యెడల నాకు శ్రమ (1కొరింథీ 9:16). ఫెడ్రిక్ గారు 1867లో మన దేశంలో సువార్త ప్రకటించుటకు ఇంగ్లాండ్ నుండి వచ్చారు. ఆరోగ్యము క్షీణించినందువల్ల విశ్రాంతి కొరకు తిరిగి ఇంగ్లాండ్ వెళ్లారు. ఎడిన్బరోలో జూన్ మాసంలో ఒక పాస్టర్స్ కాన్ఫరెన్స్లో మాట్లాడుటకు ఆయనను ఆహ్వానించారు. ఎంతో అనారోగ్యముగా ఉన్ననూ ఆయన ఓపిక తెచ్చుకొని ఆ సభకు  హాజరయ్యారు. తన గురించి , తన సేవ గురించి క్లుప్తంగా మాట్లాడి భారత దేశంలో సువార్త అవశ్యకత గురించి అక్కడ ఉన్న పాస్టర్లకు వివరించి తమ సంఘముల నుండి మిషనెరీలను పంపవలసినదని విజ్ఞప్తి చేసారు. ఆయన ఇంకా మాట్లాడు చుండగానే నీరసము వలన స్పృహతప్పి పడిపోయారు. ఆయన స్నేహితులు ఆయనను ఆసుపత్రికి తీసుకొని వెళ్లి వైద్యము చేయించారు. అయన స్పృహలోనికి రాగానే "నేను ఎక్కడ ఉన్నాను ?" అని అడిగారు. ఆయన స్నేహితులు "నీవు మాట్లాడు చుండగా నీరసము వలన స్పృహతప్పి పడిపోయావు. అందువలన డాక్టర్ వద్దకు తీసుకొని వచ్చాము" అ...
Read more